GAANTH....FIR SAANTH GAANTH


Hamla karte hai ji bhaiya
karte hai ...karwate hai
kuch bhi kah lo
hum to yahi samjh pate hai
kuch log jala gye ghar humara
kuch log ukhaad gaye jhanda wo purana
jo leke hum tahla krte bapu k peeche
gali gali kunba kunba

jalne me sirf makaan na the
sirf bejubaan aujaar na the
jinse maa ne humko pala
bapu ne humko pet bhar khilaya
sirf  bejubaan janwar hi na the
jo bandhi ghanti baja rahe the
malik ko hi bula rhe the
nasamjh ye samjh na paye
sirf jalne me makaan na the
jala tha malik 
malik sa har koi
us sa dil...sapna..asha..mamta
viswash jala...ullaas jala

wo to aise hi jalate hai bhaiya
hamla karte hai ji bhaiya

pahle kya krte the wo 
nahi pata
itihaas bahot padha
par sadha nahi
abhinay me charitra kiya
par jiya nahi
aaj jala hai mera ghar
aise hi jalate hai wo bhaiya
humara bhi dekho 
jala gye wo bhaiya

pucha kaun hai ye?
aur kaun the wo?
kitabo me bhi yahi hai
ya koi aur the wo?

subeh hui to gaadi aayi
dher samaan khane ko layi
paani ka hamla
to hawai jahaj bhi aaya
aadmi ka hamla to 
road bahot kaam aaya
tabhi to kahte hai
road to sahi se banao bhaiya

mere yahan bhi gaadi aayi
police aayi wakil bhi aaye
neta aur patkar bhi aye
sab dukhi the

hum soche..
inka bhi ghar jal gya kya bhaiya?
humare yahan ye kyu aaye hai
na pahchaan na koi mulakat
humein kyu gale se lagaye hai
kyu ye puche.." kaisa lag rha hai aapko"?
kyu ye police ki chuakasi ab bhaiya
ghar to wo jala gaye bhaiya

pata chala ye rakshak hai
der ho gayi aane me 
nahi to jalta nhi ghar apna
ye sab harjaana hai uska
khana pani aur ye rahna

hum to khush ho gye bhaiya
aise hi karte hai bhaiya
hun ro k bole
aise hi ghar jalate hai bhaiya
wo bole ab nhi jalega ghar kisi ka
nahi marega ab tum me koi
vada kar k chale gaye

hum bhi tasalli se zindagi ka 
kuch jugaad dekhenge bhaiya

wo chalte hi...sab le gaye
gadi..police..wakil...patrakar
sab to sab...khana bhi 
khair, iska choro
jiska sab jal jaye...uska duje ki bheekh me kya samaay
hum to rote rahe bhaiya
aise hi ghar jalate hai bhaiya

nayi jagah naya shahar
log naye...pahchaan nayi
is baar naya dar...usse pahchaan nayi
fir jala aaj kisi ka ghar bhaiya
fir se wahi baat 
bheed wahi
bheed ki jaat nayi
naya chehra...par baat wahi
jala naya kuch...par ehsaas wahi
gaadi samaan khaana pahalwan
aur to aur aansu pochne ka aujaar wahi
vada wahi...vada khilafi bhi wahi
nayi to bas jahah thi
aur mari hui wo lash nayi

ab to kuch na kahna hai bhaiya
wo jalate to aise hi hai
par ye bujhane aate bhi aise hi hai
wo darate aise hi hai
ye uksate bhi aise hi hai

in dono me kuch saanth gaanth hai bhaiya
pata kar lo..jarur hai bhaiya
nahi to kaun apna ghar baar baar jalwata hai
aur fr rone chala aata hai
kuch saanth gaanth to hai bhaiya

Comments

sorry friends...hindi font me nahi ho pa raha tha...aapko hindi english me padhni padegi..;-)
par mere kuch dosto ke liye is baar ye bahana kaam nahi karega ki unhe HINDI pandhni NAHI aati...isliye padh nhi paye.
Hope you will enjoy it...but m nt sure this time...so do comment to let me know...abt our SAANTH GAANTH..:-)
Pradeep Gautam said…
nice one. keep going.. :)
Varyam Pandey said…
Abhinay me charitra kiya par jiya nahi.. Shayad is abhinay ke "Kirdaro" ka hi kuch karna padega.. ya to sahi chunna padega ya khud hi charitra jeena padega..

Anyways another beautiful webbed creation... keep up the good work.. :)
Satyendra said…
jab tak "LASH", "nayi lash" banane ko taiyar hai; tab tak yeh jalane wale aate rahenge aur logon ke ghar jalate rahenge. Lekin jis din lash naya jeevan le legi, in other words, jis din "LASH" badalegi par nayi lash mein nahin apitu, ek sajeevata ki pratima mein; bas usi din se ghar jalane walon ke haath kanpane lagenge!! kya aapako aisa nahin lagta?

ummeed hai is baar aap sahmat ho jayengi, woh bhi thoda jald hi :P
hum khud ko saja baithe hai
ki tu zinda rahe...
khud ko lash bana baithe hai
wo har raat aa kar
khojta hai mujhe
hum to ab har chehre ka mukhauta saja baithe hai

insaniyat jagani chahiye in lasho me...nayi lash me tabdeel hone se pahle. fr humara ghar jalne ki khabar kissa ban jaye shayad.

is baar sahmati ka pura jugaad kiya hai.. ;-)

dhanyawaad mitro,.:-) aapki upashthiti aur shabd mere liye kuch aur galtiyon bhari likhawat ki ijaazat hote hai.

aate rahiye...mulakat karte rahiye...muskurate rahiye:-) :-)
Shasank Agrawal said…
tum itna late reply karogi toh comment karne ka mann hi nai karta agar tum reply jald hi karogi toh debate karne mein accha lagega fir and debate karne se knowledge gain hota hai ,,,,, next tym se plzz jald hi reply karna tum.......................
shashank "debate" lamba chale, isilye...;-)
Shasank Agrawal said…
This comment has been removed by the author.
Shasank Agrawal said…
haan debate agar chalega toh hume sikhne ko milega kuch ...................
Aapme jo ye Seekhne ki icchha hai... achi baat hai.